موضوع للنقاش ارجوا المشاركه

السلام عليكم ورحمة الله وبركاته

حبيت اطرح هذا الموضوع لنتناقش فيه بكل صراحه

احب اعرف رايكم بالاختلاط في بعض القطاعات عندنا هنا بالسعوديه اللي صارت عادي الحين ولا فوق هذا كله اصبحت كل واحده تتفنن بزينتها وكانها داخله دائره نسائيه وليست دائره اجتمع فيه النار والبنزين تخيلوا الشي هذا الا من رحم ربي طبعا انا لا اعم ؟؟؟؟؟؟؟

عطوني ارائكم بكل موضوعيه وصراحه احب تواصل الجميع في هذا الموضوع بالذات وان شاء الله بعد مااسمع ارائكم اعطيكم رائيي بالشي هذا ياليت بكل صراحه كيف ينظر كل واحد فيكم للموضوع ان كان بالسلبي او الايجاب ؟؟؟؟؟؟؟؟



وتقبلوا خالص تحياتي وتقديري ودمتم بود ..........

انا ضد الاختلاط

والله معك حق واكيد انا ضده لكنه انتشر كثير عندنا الله المستعان

يرحم والديكم وش بنزينه وكبريته طالعين كشته ؟؟؟

اشكر كل من اطلع على موضوعي وارحب بكل ارائكم

بس اخوي عبد الرحمن اعتقد انك سبق قدمت رائيك بالموضوع وفهمت انك معارض الشي هذا والحين انت تناقض نفسك بكلامك بس الواضح انك رديت على الموضوع قبل لا تقراه زين او ما ادري بصراحه عموما احترم وجهة نظرك

اخوي بيبسي احترم وجهة نظرك بس اتمنى انك ايضا تحترم وجهة نظري وتسمعها قبل لا تعلق صح او انا غلطانه حتى اذا كانت بالرفض او الايجاب الموضوع وضعته للنقاش وكل واحد يحط رايه واحنا نحترم وجهة نظره وافهم انك عصبت لان الموضوع حساس وخاصة ان مكان عملك مشترك مثل ماذكرت وغير كذا انا ماتكلمت عن الاحترام والتقدير بس صدقني واحلفك بالله اذا انعرضت الوظيفه هذي على احد من افراد عائلتك راح تخليها اشك بصراحه احنا دايم كذا على فكره اللي نرضاه لغيرنا مانرضاه لانفسنا اما عن كلامي بالنسبه ان كل وحده تتفنن بزينتها ابغاك تجاوبني الموظفات اللي معاك تجي كيف لابسه عباية ومغطيه وجهها اوكاشفه وابسط حاجه متعطره ومكياج خفيف هذا اذا افترضنا ابسط شي صح او انا غلطانه وغير كذا اللي قصدته من كلامي بالنسبه للبنزين والنار لان بطبيعة المراه والرجل الانجذاب وهذي بطبيعتهم سبحان الله فما بالك اذا جمعناهم بمكان واحد على ابسط حاجه راح يعجبك عطرها وغير اشياء ثانيه يمكن تقول عني متخلفه او اي شي ثاني بس صدقني هذا الواقع ياما وياما نسمع الله يستر على الجميع وبكلامي هذا انا لا اعم وارجع واقولك انا احترم وجهة نظرك واتمنى اذا بدر مني اي غلط بالعذرمنك واشكركم على مروركم واطلاعكم ....

ملكة الإحساس كتب:

واحلفك بالله اذا انعرضت الوظيفه هذي على احد من افراد عائلتك راح تخليها اشك بصراحه احنا دايم كذا على فكره اللي نرضاه لغيرنا مانرضاه لانفسنا ....

تصدقين عاد اني دعيت وحدة من قريباتي لوظيفه عندنا ,, بس ما تم الموضوع لان المكان بعيد شوي عليهـا لانها من برا الرياض ,,, انا ماني من الناس المتناقضين اللي وقت ابداء الاراء يكون كلامهم مختلف عن وقت تطبيقهـا

عموما الله يوفق الجميع ان شاء الله

واشكرك على تواصلك .................

هههههه